Рио–2016 паралимпиячилари олимпиячилар каби пул мукофоти ва Malibu автомобили билан тақдирланади

Бразилиянинг Рио-де-Жанейро шаҳрида бўлиб ўтган XV ёзги Паралимпия ўйинларида 5 та спорт тури бўйича 32 нафар спортчи Ўзбекистон терма жамоаси шарафини ҳимоя қилиб, 8 та олтин, 6 та кумуш, 17 та бронза — жами 31 та медални қўлга киритиб, медаллар рейтингида 16-ўринни эгаллаганди. Ўзбекистон Республикаси Президентининг 2016 йил 12 июлдаги қарорига мувофиқ совриндор бўлган спортчилар пул мукофоти ва Malibu автомобили билан тақдирланиши тўғрисидаги қарор матни ЎзАда келтирилди.

Унга кўра, Рио—2016 Паралимпиадасида олтин медални қўлга киритган қуйидаги спортчиларнинг ҳар бирига 200 000 АҚШ доллари ажратилди:

Намозов Шерзод Насимович – дзюдо;

Ниғматов Ўткиржон Исматилло ўғли – дзюдо;

Тулендибаев Адилжон Ришатович – дзюдо;

Норбеков Ҳусниддин Қиличбоевич – енгил атлетика;

Свечников Александр Владимирович – енгил атлетика;

Қаюмова Нозимахон Номонжоновна – енгил атлетика;

Мусабеков Фирдавсбек Улуғбек ўғли – сузиш;

Амилова Фотимахон Равшанбек қизи – сузиш;

Рио—2016 Паралимпиадасида кумуш медални қўлга киритган қуйидаги спортчиларнинг ҳар бирига 100 000 АҚШ доллари ажратилди:

Алимова Хайтжон Абдулла қизи – дзюдо;

Бурхонова Сафия Каимовна – енгил атлетика;

Одилова Муслима Улуғбек қизи – сузиш;

Панков Кирилл Дмитриевич – сузиш;

Рио—2016 Паралимпиадасида бронза медални қўлга киритган қуйидаги спортчиларнинг ҳар бирига 75 000 АҚШ доллари ажратилди:

Бобоев Шуҳрат Шоназарович – дзюдо;

Саидов Феруз Бешимович – дзюдо;

Шарипов Ширин Хомитович – дзюдо;

Салаева Севинч Одамбай қизи – дзюдо;

Раҳимова Гулруҳ Илҳомбековна – дзюдо;

Нурметова Турсунпошша Баҳромовна – дзюдо;

Солиев Дониёр Нурулла ўғли – енгил атлетика;

Бозоров Аҳрор Ботирович – пауэрлифтинг;

Турсунхўжаев Музаффар Шуҳратилло ўғли – сузиш;

Хорлин Дмитрий Сергеевич – сузиш;

Тошпўлатова Шоҳсанамхон Дилшодбек қизи – сузиш;

Ибрагимов Сервер Юсуфович – ўқ отиш;

Сахатов Миран Мирюнусович – енгил атлетика;

Хамроев Фахриддин Фарҳодович – енгил атлетика;

Абдурашидов Мансур Самат ўғли – енгил атлетика.

Пул мукофотларини тўлаш Ўзбекистон Республикаси Ташқи иқтисодий фаолият миллий банки томонидан хорижий валютада, банкда жисмоний шахслар учун белгиланган тартибда очиладиган депозит ҳисоб рақамларидан, солиқ ундирилмасдан амалга оширилади.

Шунингдек, делегация таркибидаги спортчилар Ўзбекистон Миллий олимпия қўмитаси ҳузуридаги Олимпиячиларни қўллаб-қувватлаш жамғармаси томонидан сотиб олинган «Malibu» маркали енгил автомобиллари билан мукофотланади ва енгил автомобиллар қийматига жисмоний шахслардан олинадиган даромад солиғи спортчилардан олинмайди.

Ўзбекистон Республикаси Президенти вазифасини бажарувчи Шавкат Мирзиёев мазкур фармойишнинг бажарилишини назорат қилишни Ўзбекистон Республикаси Бош вазирининг ўринбосари Адҳам Икрамов зиммасига юклади.