Nepal sharqidagi Sunsari tumani, Kosi daryosida odam to‘la parom ag‘darilib ketdi va buning oqibatida 20 kishi bedarak yo‘qoldi, 37 kishi qutqarib qolindi. Bu haqda tuman politsiya bo‘limi boshlig‘i Posharaj Pokxarel ma’lum qildi, deb xabar beradi “TASS”.
“Paromni boshqargan ikki shaxs uzog‘i bilan 25 kishiga mo‘ljallangan suzish vositasiga ikki barobar ko‘p odam va ancha-muncha yuk olgan. Guvohlar turlicha ko‘rsatma berayotgani sababli bedarak yo‘qolganlarning aniq sonini bilish mushkul bo‘lmoqda, ular 20 nafargacha bo‘lishi mumkin”, — ta’kidladi Pokxarel.
Halokat signali olingan zahoti Nepal armiyasi bo‘linmalari, politsiya va qurolli politsiya kuchlari safarbar etildi. Ular 37 yo‘lovchi, jumladan, ikki bolani qutqarishga muvaffaq bo‘ldi.
Izoh (0)