Непал шарқидаги Сунсари тумани, Коси дарёсида одам тўла паром ағдарилиб кетди ва бунинг оқибатида 20 киши бедарак йўқолди, 37 киши қутқариб қолинди. Бу ҳақда туман полиция бўлими бошлиғи Пошараж Покхарел маълум қилди, деб хабар беради «ТАСС».
«Паромни бошқарган икки шахс узоғи билан 25 кишига мўлжалланган сузиш воситасига икки баробар кўп одам ва анча-мунча юк олган. Гувоҳлар турлича кўрсатма бераётгани сабабли бедарак йўқолганларнинг аниқ сонини билиш мушкул бўлмоқда, улар 20 нафаргача бўлиши мумкин», — таъкидлади Покхарел.
Ҳалокат сигнали олинган заҳоти Непал армияси бўлинмалари, полиция ва қуролли полиция кучлари сафарбар этилди. Улар 37 йўловчи, жумладан, икки болани қутқаришга муваффақ бўлди.
Изоҳ (0)