Devis Kubogining jahon bosqichida ishtirok etish O‘zbekiston tennischilariga nasib qilmadi. Saralashda Xitoy terma jamoasini 3:2 hisobida mag‘lub etgan O‘zbekiston terma jamoasi, pley-offda Shveysariyaga imkoniyatni boy berib qo‘ydi.
Hisob 2:2 bo‘lib turgan bir vaqtda hal qiluvchi o‘yinda 18 yoshli Jo‘rabek Karimov mehmonlardan Entoni Belyerga qarshi kortga tushdi va to‘rt set davom etgan bellashuvda imkoniyatni boy berdi — 2:6, 4:6, 7:6(8:6), 3:6.
Shveysariya termasi jahon ligasidagi ilk o‘yinda Italiyaga 0:5 hisobida yutqazib, pley-offga tushib qolgandi. Toshkentdagi g‘alaba terma a’zolariga jahon ligasidagi o‘rnini saqlab qolish imkoniyatini berdi. O‘zbekiston esa Osiyo-Okeaniya mintaqasining guruh bosqichida o‘ynaydigan bo‘ldi.
Qayd etish kerak, dunyoning mos ravishda uchinchi va to‘rtinchi raketkalari hisoblangan Sten Vavrinka hamda Rojer Federer Toshkentga tashrif buyurmagandi. Shunda ham Shveysariya termasi o‘ziga kerakli natijani qayd eta oldi.
Izoh (0)