Xitoy sharqidagi Chjetszyan provinsiyasida uch kishi “Meranti” to‘foni qurboniga aylandi, yana ikki nafari bedarak yo‘qoldi. Bu haqda “Sinxua” agentligiga tayanib, “TASS” xabar bermoqda.
Mahalliy hukumat rasmiylarining ma’lumotiga ko‘ra, 218 ming kishi tabiiy ofat oqibatida jabrlandi.
Futszyan provinsiyasida to‘fon elektr ta’minotining ommaviy o‘chirilishiga sabab bo‘ldi. Hozirgi kunda 1,44 million oila elektr ta’minotisiz qolgan. Yunchun uyezdida 1145-yilda qurilgan ko‘prik quladi.
Chjetszyan va Futszyan provinsiyalari rasmiylari 363 ming kishini evakuatsiya qildi.
“Meranti” to‘foni Xitoyga 15-sentabr, payshanba kuni yopirildi. Tabiiy ofat epitsentrida shamol kuchi soniyasiga 48 metrgacha yetmoqda.
Izoh (0)