KXDR 1,3 ming kilometrgacha bo‘lgan masofada raketalarning nishonga tegishida yuqori aniqlikka erisha oldi. Bu haqda “Ryonxap” agentligi Janubiy Koreya hukumatidagi manbasiga tayanib ma’lum qildi, deb yozadi “TASS”.
“Shimol 5-sentabr kuni uchirgan ‘Nodon’ turidagi uchta ballistik raketa ming kilometrga uchib, Yaponiya havo hujumiga qarshi mudofaasining identifikatsiya zonasiga bir kilometr radiusda quladi, — dedi manba. — Shu tariqa, ularning nishondan chetga chiqishi avvalroq aytilgan ikki-to‘rt kilometrdan ancha kam bo‘lib chiqdi”.
Shimoliy Koreya avgust boshida ham “Nodon” turidagi ballistik raketani uchirgan, u Yaponiyaning Akita prefekturasi qirg‘oqlari yaqinidagi suvga qulagan edi, oy oxirida esa yana bir raketa Yapon dengizida suv osti kemasidan uchirilgan edi.
Izoh (0)