Germaniyada maxsus operatsiya davomida qo‘lga olingan Suriyaning uch fuqarosi Parij teraktlari tashkilotchilariga aloqador bo‘lishi mumkin, deya xabar bermoqda “Interfaks”.
Germaniya ichki ishlar vaziri Tomas de Mezyerning ta’kidlashicha, “ularning Parijdagi teraktlar uchun javobgarlarga aloqasi bor”.
Nemis politsiyasi Quyi Saksoniya va Shlezvig-Golshteyn federal yerlarida o‘tkazilgan maxsus operatsiyalar davomida IShIDga mansubligi taxmin qilinayotgan uch nafar qochoqni qo‘lga olgan edi.
Ularning ortidan bir necha oy davomida kuzatuv olib borilgan, shuningdek, gumonlanuvchilarning telefon suhbatlarini eshitib boruvchi maxsus guruh tuzilgan edi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)