Suriya muxolifati AQShga mamlakatdagi vaziyat bo‘yicha Rossiya—Amerika kelishuvi shartlarini bajarishga tayyor ekanliklari, biroq uning ayrim bandlari xavotir tug‘dirgani bildirilgan maktub yo‘lladi. Bu haqda “RBK” xabar bermoqda.
Jumladan, muxolifat unga “Jabhat Fath ash-Shom” (sobiq “Jabhat an-Nusra”) tashkiloti bilan hamkorlik taqiqlanishini “ikki yoqlama standartlar siyosati” deb hisoblamoqda. Bu Tehron tomonidan qo‘llab-quvvatlanayotgan va Iroq, Livan, Erondan kelgan hamda hukumat armiyasi tomonida jang qilayotgan ko‘ngilli tuzilmalar kelishuvda eslatib o‘tilmagani bilan izohlangan.
Maktubda kelishuvda sulh shartlari buzilishi monitoringi yoki unga rioya etilmasligi uchun jazo mexanizmi mavjud emasligi ko‘rsatib o‘tilgan. Aynan shu holat o‘tgan galgi o‘t ochishni to‘xtatish tartibi barbod bo‘lishiga olib kelgandi.
Shuningdek, muxolifatchilar hukumat aviatsiyasiga kelishuvga erishilganidan so‘ng yana 9 kun mobaynida parvoz qilishiga imkon berilganidan norozilik bildirdi. Bashar Asadning raqiblari hukumat harbiy-havo kuchlari bu imkoniyatdan ularning marralariga hujum qilish uchun foydalanadi, deb hisoblamoqda.
Izoh (0)