Сурия мухолифати АҚШга мамлакатдаги вазият бўйича Россия—Америка келишуви шартларини бажаришга тайёр эканликлари, бироқ унинг айрим бандлари хавотир туғдиргани билдирилган мактуб йўллади. Бу ҳақда «РБК» хабар бермоқда.
Жумладан, мухолифат унга «Жабҳат Фатҳ аш-Шом» (собиқ «Жабҳат ан-Нусра») ташкилоти билан ҳамкорлик тақиқланишини «икки ёқлама стандартлар сиёсати» деб ҳисобламоқда. Бу Теҳрон томонидан қўллаб-қувватланаётган ва Ироқ, Ливан, Эрондан келган ҳамда ҳукумат армияси томонида жанг қилаётган кўнгилли тузилмалар келишувда эслатиб ўтилмагани билан изоҳланган.
Мактубда келишувда сулҳ шартлари бузилиши мониторинги ёки унга риоя этилмаслиги учун жазо механизми мавжуд эмаслиги кўрсатиб ўтилган. Айнан шу ҳолат ўтган галги ўт очишни тўхтатиш тартиби барбод бўлишига олиб келганди.
Шунингдек, мухолифатчилар ҳукумат авиациясига келишувга эришилганидан сўнг яна 9 кун мобайнида парвоз қилишига имкон берилганидан норозилик билдирди. Башар Асаднинг рақиблари ҳукумат ҳарбий-ҳаво кучлари бу имкониятдан уларнинг марраларига ҳужум қилиш учун фойдаланади, деб ҳисобламоқда.
Изоҳ (0)