Qozog‘iston prezidenti Nursulton Nazarboyev O‘zbekiston Birinchi Prezidenti Islom Karimov xotirasiga hurmat bajo keltirish uchun Samarqandga tashrif buyurdi. Bu haqda Qozog‘iston prezidenti matbuot xizmati xabar bermoqda.
UzReport agentligi xabariga ko‘ra, Nursulton Nazarboyev Samarqanddagi Hazrati Xizr masjidi hududidagi Islom Karimov qabriga gullar qo‘ydi va O‘zbekiston Birinchi Prezidenti xotirasiga hurmat bajo keltirdi.
Qozog‘iston prezidenti matbuot xizmatining qo‘shimcha qilishicha, Nursulton Nazarboyev O‘zbekistonga tashrifi doirasida Islom Karimovning oila a’zolari va O‘zbekiston Prezidenti vazifasini vaqtincha bajaruvchi Shavkat Mirziyoyev bilan uchrashishi ko‘zda tutilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)