Futbol bo‘yicha Rossiya terma jamoasi Qatar bilan o‘rtoqlik uchrashuvi o‘tkazadi. Bu haqda, Rossiya sport vaziri, Rossiya futbol ittifoqi prezidenti Vitaliy Mutkoga asoslanib, “TASS” xabar bermoqda.
“Qatar bilan muzokaralar davom etmoqda, bu masalada hammasi yaxshi bo‘ladi”, — dedi Mutko.
Avvalroq Rossiya va Qatar terma jamoalari o‘rtasidagi uchrashuv 2016-yilning noyabr oyida o‘tkazilishi mumkinligi haqida xabarlar paydo bo‘lgan edi.
E’tiborli tomoni, Rossiya futbol bo‘yicha 2018-yilgi, Qatar esa 2022-yilgi jahon chempionatining mezbonlari hisoblanadi.
Ma’lumot uchun, Qatar JCh—2018 saralash bahslarida O‘zbekiston milliy terma jamoasi raqibi hisoblanadi. Har ikkala terma jamoa o‘rtasida 6-sentabr kuni bo‘lib o‘tgan dastlabki uchrashuvda O‘zbekiston 1:0 hisobida g‘alaba qozongan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)