Футбол бўйича Россия терма жамоаси Қатар билан ўртоқлик учрашуви ўтказади. Бу ҳақда, Россия спорт вазири, Россия футбол иттифоқи президенти Виталий Муткога асосланиб, «ТАСС» хабар бермоқда.
«Қатар билан музокаралар давом этмоқда, бу масалада ҳаммаси яхши бўлади», — деди Мутко.
Аввалроқ Россия ва Қатар терма жамоалари ўртасидаги учрашув 2016 йилнинг ноябрь ойида ўтказилиши мумкинлиги ҳақида хабарлар пайдо бўлган эди.
Эътиборли томони, Россия футбол бўйича 2018 йилги, Қатар эса 2022 йилги жаҳон чемпионатининг мезбонлари ҳисобланади.
Маълумот учун, Қатар ЖЧ—2018 саралаш баҳсларида Ўзбекистон миллий терма жамоаси рақиби ҳисобланади. Ҳар иккала терма жамоа ўртасида 6 сентябрь куни бўлиб ўтган дастлабки учрашувда Ўзбекистон 1:0 ҳисобида ғалаба қозонган эди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)