AQShning Texas shtatida politsiyachi ayol oilasi a’zosi bo‘lgan va bolaligida unga nisbatan zo‘ravonlikka qo‘l urgan Erlis Cheyson qamoqqa olinishiga erishdi. Buning uchun unga 15 yil kerak bo‘ldi, deya hikoya qiladi TJournal.
Xanna (ayolning haqiqiy ismi oshkor etilmagan) 8 dan 12 yoshgacha zo‘ravonlikka duch keldi. Ruhiy muammolar va Cheysondan o‘ch olish ishtiyoqi uning bo‘lajak kasbini belgilab berdi.
2014-yili, voqealardan 15 yil o‘tib, Xanna Erlisdan uchrashishni so‘radi. Ayol suhbatni diktofonga yozib olishidan bexabar Cheyson bunga rozi bo‘ldi. Bir yarim soat davom etgan muloqot chog‘ida u Xannaga nisbatan jinsiy zo‘ravonlikka yo‘l qo‘yganiga olti bor iqror bo‘ldi.
Xanna tomonidan yozib olingan suhbatdan sudda foydalanildi. 26-avgust kuni sud Erlis Cheysonni umrbod qamoq jazosiga hukm qildi. 47 yoshli erkak 42 yil davomida muddatidan avval ozod etilishiga da’vo qilolmaydi.
Izoh (0)