Tergovchilar Rossiya ichki ishlar vazirligi iqtisodiy xavfsizlik va korrupsiyaga qarshi kurash bosh boshqarmasi boshlig‘ining o‘rinbosari Dmitriy Zaxarchenko uyida o‘tkazgan tintuv chog‘ida 124 million dollar atrofidagi valyutani musodara qildi. Bu haqda huquq-tartibot idoralaridagi manbaga tayanib, “RIA Novosti” xabar bermoqda.
“Polkovnik Zaxarchenkoning uyidagi tintuv yaqinda yakunlandi. Dastlabki hisob-kitoblarga ko‘ra, rublga o‘girganda 8 milliardga yaqin summani tashkil etadigan yirik miqdordagi dollarlar topildi. Yakuniy summa hali ma’lum emas, bu yo‘nalishdagi ishlar endi boshlandi”, — deya ta’kidladi manba.
Moskvadagi Presna sudi Zaxarchenkoni 8-noyabrga qadar qamoqqa olish bo‘yicha qaror chiqardi. Polkovnik bundan ikki kun avval, 8-sentabr, payshanba kuni Rossiya federal xavfsizlik xizmati tomonidan qo‘lga olingandi. U Jinoyat kodeksining “O‘ta yirik miqdorda pora olish”, “Xizmat vazifasini suiiste’mol qilish” va “Tergovchi faoliyatiga to‘sqinlik qilish” kabi uchta moddasi bo‘yicha ayblanmoqda.
Izoh (0)