Buyuk Britaniyaning 46 millionga yaqin fuqarosi MasterCard’dan tovon puli olishga da’vogarlik qilishi mumkin. Mijozlardan ortiqcha yig‘im to‘plashda ayblanayotgan kompaniyaga nisbatan 14 milliard funt (18 milliard dollar atrofida) miqdoridagi jamoaviy da’vo qo‘zg‘aldi: buni har bir da’vogarga taqsimlansa, 300 funtdan oshiqroqqa to‘g‘ri keladi, deya xabar beradi “RIA Novosti”.
Qiymati jihatidan Buyuk Britaniya tarixida eng katta bo‘lgan da’voni mamlakatning sobiq bosh moliyaviy ombudsmeni Uolter Merriks kiritdi. U 1992—2008-yillardagi debet va kredit kartalari bo‘yicha komission to‘lovlarga taalluqli.
Da’vo Consumer Rights Act 2015 qonuni doirasida Buyuk Britaniyaning barcha iste’molchilari nomidan ilk bor kiritildi. Mazkur qonunga ko‘ra, da’vo ziyon ko‘rgan bir guruh shaxslar nomidan kiritilishi mumkin.
Izoh (0)