BMT bosh kotibining Suriya bo‘yicha maxsus vakili Staffan de Mistura Jenevada AQSh Davlat kotibi Jon Kerri va Rossiya tashqi ishlar vaziri Sergey Lavrov o‘rtasida erishilgan kelishuvni ma’qulladi. Bu haqda “Kommersant” xabar bermoqda.
“BMT Lavrov va Kerri bugun o‘zaro bir to‘xtamga kelganini ma’qullaydi. Mazkur kelishuvga siyosiy iroda tufayli erishildi va u Suriyadagi mojaroni bartaraf etish uchun keng imkoniyatlar yaratadi”, —deya ta’kidladi maxsus vakil.
Staffan de Mistura xalqaro tashkilot Suriyada zo‘ravonlik to‘xtatilishiga bosh qo‘shish va gumanitar yordam yetkazilishida ko‘mak ko‘rsatishga tayyorligini bildirdi. U yaqin orada bosh kotib Pan Gi Mun bilan Suriyada o‘zaro muloqot jarayonini ishga tushirish imkoniyatlarini muhokama etish uchun Nyu-Yorkka jo‘nashini ma’lum qildi.
Izoh (0)