Armaniston bosh vaziri Ovik Abramyan iste’foga chiqishini ma’lum qildi. U mazkur lavozimda 2014-yil aprelidan beri ishlab kelayotgandi, deya xabar beradi “RBK”.
“Iste’foga chiqish va prezidentga yangi hukumatni shakllantirish imkoniyatini berishga qaror qildim”, — dedi Abramyan Armaniston hukumatining 8-sentabr, payshanba kuni bo‘lib o‘tgan yig‘ilishida.
Abramyan iste’foga chiqish haqidagi qarorini davlatni boshqarishda yangicha yondashish zarurligi bilan izohladi, shu bilan birga, kelgusida ham faol siyosatchi bo‘lib qolish va yangi hukumat a’zolari bilan ishlashda davom etish istagini bildirdi.
Ma’lumotlarga ko‘ra, bosh vazir lavozimidan ketgandan so‘ng 2017-yilda bo‘lib o‘tadigan parlament saylovlari oldidan Respublikachilar partiyasi saylovoldi shtabini boshqarishi, hukumatni esa Yerevanning sobiq meri Karen Karapetyan boshqarishi mumkin.
Izoh (0)