Shanxay hamkorlik tashkilotining Pekin shahrida joylashgan asosiy ma’muriy organi — Kotibiyatda Islom Karimov vafoti munosabati bilan O‘zbekiston hukumati va xalqiga hamdardlik, birdamlik belgisi sifatida tashkilotga a’zo davlatlar bayroqlari tushirildi. Bu haqda ShHT Kotibiyati saytiga tayanib, “Gazeta.uz” xabar bermoqda.
“Islom Abdug‘aniyevich Karimov — suveren O‘zbekiston Respublikasi asoschisi va uning xalq tomonidan saylangan birinchi Prezidentidir. U Shanxay hamkorlik tashkiloti vujudga kelishida ishtirok etganlardan biri edi va uning rivojlanishida salmoqli hissa qo‘shdi. Tashkilotning yangi turdagi nufuzli va ta’sirli xalqaro birlashmaga aylanishida uning xizmatlari ulkan”, — deyiladi ShHT Kotibiyati xabarida.
Izoh (0)