Бухоро марказида Nexia билан тўқнашган Damas ағдарилиб кетди

Бухоро шаҳри марказидаги чорраҳалардан бирида юз берган йўл-транспорт ҳодисаси оқибатида Damas ағдарилиб кетди. Бу ҳақда Facebook’даги «Водители Ташкента (Drivers.uz)» гуруҳида видеохабар қолдирилган.

Видеода Nexia автомобили қарама-қарши қатнов қисмидан келаётган Damas машинасига йўл бермай, уни туртиб юборганини кўриш мумкин. Оқибатда Damas ҳайдовчиси бошқарувни йўқотиб, йўл ўртасидаги бордюр устидан ўтган ва йўлнинг у томонидан турган Lacetti’га урилган.

Бу ҳодиса айнан қачон, Бухоро шаҳрининг айнан қайси чорраҳасида юз берганига аниқлик киритилмаган. Ҳодиса оқибатида тан жароҳати олиб, жабрланганлар ҳақида аниқ ахборот йўқ.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.