GM Uzbekistan Moskva avtosalonida (MMAS 2016) o‘zining yangi Ravon brendi ostida qatnashadi. Bu haqda “Daily-motor.ru” xabar bermoqda.
Hozirda kompaniya avtomobillari qatorida A va B turkumidagi segmentlar vakillari bor, biroq Ravon endi o‘zining modellari safini C turkumi bilan kengaytirishni mo‘ljallamoqda. Bo‘lajak avtoko‘rgazmada kompaniya R toifasidagi barcha modellari bilan ishtirok etadi.
Bugungi kunda Rossiya avtomobil bozorida Ravon brendi ostida to‘rtta model — Matiz, R2, Gentra va R3 Nexia sotilmoqda. Yaqin orada mazkur modellar qatorini to‘rt eshikli R4 mashinasi to‘ldiradi. Avtomobil Chevrolet Cobalt modelining takomillashgan ko‘rinishidan iborat.
Ravon mashinalari MDH davlatlari, jumladan, Belarus, Ozarbayjon, Turkmaniston va boshqa bozorlarga yuborilishi mo‘ljallangan. Kompaniya modellari safining kengayishi 2017-yilning boshlanishi—o‘rtalarida amalga oshirilishi kutilmoqda.
Izoh (0)