Ravon brendi Moskva xalqaro avtosalonida yangi R4 sedanini namoyish etdi. Bu haqda “Avto@Mail.ru” xabar bermoqda.
Ilgariroq GM Uzbekistan Moskvada Ravon brendini taqdim etib ulgurgan edi. Shunga qaramay, brend Rossiya bozorining o‘zi uchun muhimligini ko‘rsatdi, deyiladi materialda.
Jurnalistlar Rossiya bozoriga Chevrolet Cobalt sedani boshqa nom ostida qaytayotganiga e’tibor qaratdi. Ravon R4 ning tashqi ko‘rinishi Cobalt’dan radiator panjarasidagi tafovut hamda kapotdagi qalqoncha bilan farqlanadi. Texnik ko‘rsatkichlar esa farqlanmaydi — R4 1,5 litrli, 105 ot kuchiga ega motor bilan jihozlangan bo‘lib, u 5 bosqichli mexanik va 6 diapazonli avtomat transmissiya bilan uyg‘unlikda ishlashi mumkin.
Ravon’ning rasmiy vakillari mashina Rossiya bozorlarida noyabrda paydo bo‘lishini e’tirof etmoqda.
Izoh (0)