GM Uzbekistan Москва автосалонида (MMAS 2016) ўзининг янги Ravon бренди остида қатнашади. Бу ҳақда «Daily-motor.ru» хабар бермоқда.
Ҳозирда компания автомобиллари қаторида А ва B туркумидаги сегментлар вакиллари бор, бироқ Ravon энди ўзининг моделлари сафини C туркуми билан кенгайтиришни мўлжалламоқда. Бўлажак автокўргазмада компания R тоифасидаги барча моделлари билан иштирок этади.
Бугунги кунда Россия автомобиль бозорида Ravon бренди остида тўртта модель — Matiz, R2, Gentra ва R3 Nexia сотилмоқда. Яқин орада мазкур моделлар қаторини тўрт эшикли R4 машинаси тўлдиради. Автомобиль Chevrolet Cobalt моделининг такомиллашган кўринишидан иборат.
Ravon машиналари МДҲ давлатлари, жумладан, Беларусь, Озарбайжон, Туркманистон ва бошқа бозорларга юборилиши мўлжалланган. Компания моделлари сафининг кенгайиши 2017 йилнинг бошланиши—ўрталарида амалга оширилиши кутилмоқда.
Изоҳ (0)