“Kommersant” maxsus muxbiri Andrey Kolesnikov Rio–2016 da yettinchi Olimpiadasini o‘tkazib, tarixdan joy olgan o‘zbekistonlik afsonaviy sport gimnastikachisi Oksana Chusovitina bilan suhbat qurdi.
41 yoshli Chusovitina suhbat davomida faoliyatidagi kechinmalari, Olimpiadadagi ishtiroklari, bo‘lajak rejalari haqida so‘zlab o‘tdi va O‘zbekiston uchun olimpiya o‘yinlarida medal olish orzusi borligini ma’lum qildi. “Daryo” intervyuning qisqa variantini taqdim qiladi.
Oksana Chusovitina va boshqalar: Riodan sevgi salomi (foto)
Oksana Chusovitina sportdagi faoliyatini yakunlash niyatida emasligini ma’lum qildi
Rio—2016. Oksana Chusovitina finaldagi ishtirokini yakunlab, tarixdan joy oldi
— Ana xolos! Demak, siz Tokioga (2020-yilgi yozgi Olimpiada o‘yinlari poytaxti – “Daryo” izohi) borasiz. Lekin siz hali saralashdan o‘tishingiz kerak. Agar o‘ta olmasangizchi?
— Men tushunaman, juda yaxshi tushunaman. Bu yilgi saralashda nafaqat tayanib sakrashda, balki ko‘pkurash, ya’ni, barcha 4 ta snaryadda ishtirok etishga to‘g‘ri keldi. Boshqa snaryadlarda qiyin mashqlar bajarmadim. Rioda esa sakrashlarimni amalga oshirdim.
— Buni ko‘rdim. Shuningdek, final bosqichidagi barcha chiqishlardan so‘ng, g‘oliblar taqdirlanishidan avval, zal sizga gulduros qarsaklar chaldi. Zalda o‘tirganlarga siz haqingizdagi syujet ko‘rsatildi. Unda siz haqiqiy jahon sporti afsonasi edingiz. Bu kutilmagan holat bo‘ldi. Bu shunday bo‘ldiki... Tomog‘imga kesak tiqilgandek bo‘ldi. Siz esa shunchaki oddiy va biroz ruhan ezilgan edingiz...
— Men yaxshi sakray olmaganim uchun xafa edim. Meni afsona deyishlari biroz xijolatga soladi. Men, balki, shunchaki o‘z sport turimni boshqa ‘bolalar’dan ko‘ra ko‘proq yaxshi ko‘raman. Balki, bu sport turida ko‘proq narsa tushunaman. Men buni mamnuniyat bilan bajaraman. Balki, bu sport turida ko‘proq qolib ketgandirman.
— Hayotingiz davomida nechta sakrashni amalga oshirganingizni hisoblab ko‘rganmisiz?
— Buni mendan hech kim so‘ramagan, o‘zim esa o‘ylab ko‘rmaganman. Rioda esa aynan shu sakrashni amala oshirmoqchi edim. Chunki bu elementning bahosi eng yuqori edi va bunga tayyor edim. Ammo bajara olmadim. Aynan shu narsa meni qiynayapti.
— Medal olmaganingiz emasmi? Hamma medalni o‘ylab startga chiqadi. Bo‘lmasa nega?
— Men taxtasupaga chiqqanimda hech qachon medal haqida o‘ylamayman. Faqatgina barcha mashq qilganlarimni ko‘rsatish haqida o‘ylayman.
— Lekin Rioda medal haqida o‘ylagandirsiz? Ishonchim komil, oltin haqida o‘ylagansiz. Hech bo‘lmasa, tushingizda ko‘rgandirsiz? Men sizga ishonmayman!
— Yo‘q, o‘ylamagan edim. Men [medalni] Tokio [2020-yozgi Olimpiada]da olaman
— Rostanmi? (Qayta so‘radi jurnalist)
— Ha.
— Men sizni o‘z so‘zingizda ushladim, lekin bu haqda menga birinchi bo‘lib aytmaganingizni tushunib turibman...
— Men buni sizga birinchi bo‘lib aytdim. Shunday bo‘ladi.
Izoh (0)