Shu kunlarda O‘zbekistondagi barcha abituriyentlarni bir savol qiynamoqda — oliy ta’lim muassasalariga kirish imtihonlari natijalari qachon e’lon qilinadi?
2016-yilgi test imtihonlari natijalari qachon e’lon qilinishi borasida hozircha aniq bir axborot yo‘q. Biroq bundan avvalgi yillarda mandat qachon chiqqanini bir yodga olish mumkin.
2015-yili test imtihonlari natijalari oliygohlarning o‘zida 20-avgust kuni e’lon qilingan. Undan bir kun avval — 19-avgust kuni kechasi esa imtihon natijasini bilish maqsadida SMS yo‘llaganlarga javoblar kela boshlagan va DTM saytidagi test natijalarini bilish sahifasi ishga tushgan edi.
2014-yili barcha abituriyentlar orziqib kutgan natijalar 16-avgust kuni e’lon qilingan. O‘shanda ham mobil aloqa operatorlari joriy qilgan SMS xizmatlari bir kun avvaldan — 15-avgustdan e’tiboran test natijalari haqida axborot taqdim eta boshlagan.
Undan bir yil — 2013-yili ham oliy ta’lim muassasalariga kirish imtihonlari natijalari 16-avgust kuni e’lon qilingan edi. SMS xizmatlari esa 15-avgust oqshomidayoq test natijalari haqida abituriyentlarni boxabar qilishni boshlagan.
Ma’lumot uchun, 2012-yili oliy ta’lim muassasalariga kirish uchun 432 mingdan ortiq, 2013-yili 480 mingdan ziyod, 2014-yili 543 mingdan ko‘proq abituriyent hujjat topshirgan edi. Keyingi — 2015- va 2016-yillarda esa hujjat topshirgan abituriyentlar soni sezilarli darajada — 600 mingdan oshib ketganligi munosabati bilan (mos ravishda 605 836 va 663 298 nafar abituriyent), balki, test natijalarini e’lon qilish muddati biroz keyinroqqa surilayotgan bo‘lishi mumkin.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)