Xitoyning Chjetszyan provinsiyasidagi Xanchjou shahri ma’muriyati G20 sammiti arafasida bir qator cheklovlarni joriy etdi. Bu haqda, “Jenmin jibao” gazetasiga asoslanib, “TASS” xabar bermoqda.
Xavfsizlik choralarini kuchaytirish bo‘yicha tadbirlar orasida shaharning bir qator tumanlarida harakatlanish reglamenti kiritilgani aytilmoqda. Endilikda mazkur hududlarga faqat shu yerda yashovchi odamlar yoki kompaniya xodimlari guvohnoma ko‘rsatganidan va tekshiruvdan o‘tkazilganidan so‘ng kirishi mumkin.
Xitoy hukumati sammit xalqaro iqtisodiyot rivojiga yangi dinamika bag‘ishlashini kutmoqda.
“Rais Si Szinpin sammit doirasidagi o‘ndan ortiq tadbirda ishtirok etadi”, — ta’kidladi XRR tashqi ishlar vaziri o‘rinbosari Li Baodun.
Uning ta’kidlashicha, sammit doirasida BRIKS davlatlari rahbarlarining norasmiy uchrashuvi ham bo‘lib o‘tadi.
Izoh (0)