AQShning Luiziana shtatidagi kuchli toshqin qurbonlari soni 11 kishiga yetdi. Bu haqda “Interfaks” xabar bermoqda.
Oldinroq tabiiy ofat tufayli 3 kishi o‘lgani bildirilgandi.
Toshqinlar oqibatida 40 mingga yaqin uy u yoki bu darajada shikastlandi. 20 mingdan ortiq kishi ko‘chirildi, ulardan 8 mingi vaqtinchalik joylashtirish markazlarida qolmoqda.
Mahalliy rasmiylar shtatning 20 okrugida favqulodda holat joriy etdi. Ayniqsa, hududining to‘rtdan uch qismi suv ostida qolgan Livingston okrugi tabiiy ofatdan eng ko‘p aziyat chekdi.
Izoh (0)