Turkiya rasmiylari tomonidan qabul qilingan qonunchilikka tuzatishga binoan mamlakat qamoqxonalaridagi 38 mingga yaqin mahbus ozod etiladi. Bu haqda 17-avgust, chorshanba kuni adliya vaziri Bekir Bo‘zdog‘ ma’lum qildi, deya xabar beradi “TASS”.
Vazirning bildirishicha, mazkur chora amnistiya emas va faqat 2016-yil 1-iyulgacha sodir etgan jinoyatlari uchun jazoga tortilgan shaxslarga taalluqli.
Shuningdek, qasddan qotillik, narkotiklar ishlab chiqarish va sotish, davlat xavfsizligi va konstitutsion tuzumga qarshi, davlat sirlarini oshkor etish, terrorizmga qarshi kurash haqidagi qonun bilan bog‘liq jinoyatlar uchun jazo o‘tayotgan mahbuslar ozod etilmaydi.
Izoh (0)