Хитойнинг Чжэцзян провинциясидаги Ханчжоу шаҳри маъмурияти G20 саммити арафасида бир қатор чекловларни жорий этди. Бу ҳақда, «Жэньминь жибао» газетасига асосланиб, «ТАСС» хабар бермоқда.
Хавфсизлик чораларини кучайтириш бўйича тадбирлар орасида шаҳарнинг бир қатор туманларида ҳаракатланиш регламенти киритилгани айтилмоқда. Эндиликда мазкур ҳудудларга фақат шу ерда яшовчи одамлар ёки компания ходимлари гувоҳнома кўрсатганидан ва текширувдан ўтказилганидан сўнг кириши мумкин.
Хитой ҳукумати саммит халқаро иқтисодиёт ривожига янги динамика бағишлашини кутмоқда.
«Раис Си Цзиньпин саммит доирасидаги ўндан ортиқ тадбирда иштирок этади», — таъкидлади ХРР ташқи ишлар вазири ўринбосари Ли Баодун.
Унинг таъкидлашича, саммит доирасида БРИКС давлатлари раҳбарларининг норасмий учрашуви ҳам бўлиб ўтади.
Изоҳ (0)