Turkiya razvedkasi rahbari Xakan Fidan va Rossiya qurolli kuchlari bosh shtabi rahbari Valeriy Gerasimov ikki davlat rahbarining Sankt-Peterburgdagi uchrashuvida ishtirok etdi. Bu haqda “Vedomosti” xabar bermoqda.
Vladimir Putin va Rajab Toyyib Erdo‘g‘on o‘rtasidagi muzokaralar ikki soat davom etdi. Endilikda ularga delegatsiyalar a’zolari qo‘shilib, uchrashuv kengaytirilgan formatda davom etmoqda.
Rossiya tomonidan uchrashuvda tashqi ishlar vaziri Sergey Lavrov, energetika vaziri Aleksandr Novak, transport vaziri Maksim Sokolov, iqtisodiy rivojlanish vaziri Aleksey Ulyukayev, “Gazprom” boshqaruvi raisi Aleksey Miller va boshqalar, Turkiya tomonidan bosh vazir o‘rinbosari Mexmet Shimshek, tashqi ishlar vazir Mavlud Chavusho‘g‘li, iqtisodiyot vaziri Nixat Zeybekchi, energetika va tabiiy resurslar vaziri Berat Olbayroq va oziq-ovqat vaziri Faruk Chelik ishtirok etmoqda.
Izoh (0)