Туркия разведкаси раҳбари Хакан Фидан ва Россия қуролли кучлари бош штаби раҳбари Валерий Герасимов икки давлат раҳбарининг Санкт-Петербургдаги учрашувида иштирок этди. Бу ҳақда «Ведомости» хабар бермоқда.
Владимир Путин ва Ражаб Тоййиб Эрдўғон ўртасидаги музокаралар икки соат давом этди. Эндиликда уларга делегациялар аъзолари қўшилиб, учрашув кенгайтирилган форматда давом этмоқда.
Россия томонидан учрашувда ташқи ишлар вазири Сергей Лавров, энергетика вазири Александр Новак, транспорт вазири Максим Соколов, иқтисодий ривожланиш вазири Алексей Улюкаев, «Газпром» бошқаруви раиси Алексей Миллер ва бошқалар, Туркия томонидан бош вазир ўринбосари Мехмет Шимшек, ташқи ишлар вазир Мавлуд Чавушўғли, иқтисодиёт вазири Нихат Зейбекчи, энергетика ва табиий ресурслар вазири Берат Олбайроқ ва озиқ-овқат вазири Фарук Челик иштирок этмоқда.
Изоҳ (0)