O‘zbekiston viloyat markazlari va yirik shaharlari orasida 4-avgust, chorshanba kuni eng salqin havo Samarqand shahrida qayd etildi. “O‘zgidromet” ma’lumotiga ko‘ra (pdf), Samarqand viloyati ma’muriy markazida shu kuni maksimal havo harorati +34 darajagacha ko‘tarilgan.
4-avgust kuni kunduzi Urganch, Jizzax, Andijon, Namangan, Farg‘ona shaharlarida eng yuqori havo harorati +36 darajani, Nukus, Navoiy, Buxoro, Guliston, Toshkent shaharlarida +36 darajani, Termiz shahrida esa +38 darajani tashkil etgan.
Mamlakatning tog‘li hududlarida ham harorat biroz ko‘tarilgan — Chimyonda eng yuqori havo harorati +27 darajaga qadar ko‘tarilgan bo‘lsa, Qamchiq dovonida maksimal harorati +23 darajani tashkil etgan.
“O‘zgidromet” ma’lumotiga ko‘ra, 4-avgust kuni O‘zbekiston hududidagi eng issiq harorati — +39 daraja issiq — Buxoro viloyatining Jongeldi qishlog‘i, Navoiy viloyatining Buzauboy shaharchasi va Surxondaryo viloyatining Sho‘rchi shahrida qayd etilgan.
Ma’lumot uchun, “O‘zgidromet” markazi 4-avgust kuni Samarqand viloyatida havo harorati +35...+40 daraja issiq bo‘lishi haqida axborot bergan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)