Ўзбекистон вилоят марказлари ва йирик шаҳарлари орасида 4 август, чоршанба куни энг салқин ҳаво Самарқанд шаҳрида қайд этилди. «Ўзгидромет» маълумотига кўра (pdf), Самарқанд вилояти маъмурий марказида шу куни максимал ҳаво ҳарорати +34 даражагача кўтарилган.
4 август куни кундузи Урганч, Жиззах, Андижон, Наманган, Фарғона шаҳарларида энг юқори ҳаво ҳарорати +36 даражани, Нукус, Навоий, Бухоро, Гулистон, Тошкент шаҳарларида +36 даражани, Термиз шаҳрида эса +38 даражани ташкил этган.
Мамлакатнинг тоғли ҳудудларида ҳам ҳарорат бироз кўтарилган — Чимёнда энг юқори ҳаво ҳарорати +27 даражага қадар кўтарилган бўлса, Қамчиқ довонида максимал ҳарорати +23 даражани ташкил этган.
«Ўзгидромет» маълумотига кўра, 4 август куни Ўзбекистон ҳудудидаги энг иссиқ ҳарорати — +39 даража иссиқ — Бухоро вилоятининг Жонгелди қишлоғи, Навоий вилоятининг Бузаубой шаҳарчаси ва Сурхондарё вилоятининг Шўрчи шаҳрида қайд этилган.
Маълумот учун, «Ўзгидромет» маркази 4 август куни Самарқанд вилоятида ҳаво ҳарорати +35...+40 даража иссиқ бўлиши ҳақида ахборот берган эди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)