3 mlrd tomoshabin, 3,5 soatda Toshkentdan Buxoroga, uchar likopchaning ketidan quvgan politsiya va kunning boshqa muhim yangiliklari

5-avgustning e’tiborga molik yangiliklari — “Daryo”ning kechki dayjestida.

1. Rio–2016 Olimpiada o‘yinlarining ochilish marosimini 3 mlrd kishi ko‘radi. Ochilish marosimi “Marakana” stadionida 5-avgust (Toshkent vaqti bilan 6-avgustga o‘tar kechasi soat 04:00)da bo‘lib o‘tadi.

2. Toshkent–Buxoro poyezdi 3,5 soat yo‘l yuradi. Loyiha doirasida 140,2 kilometrlik yangi Maroqand–Navoiy uchastkasi qurildi.

3. Barak Obamaning kenja qizi baliq restoranida ishlaydi. Tasdiqlanmagan ma’lumotlarga ko‘ra, Barak Obama “Nensi” restorani xo‘jayini bilan yaqin aloqada bo‘lgani uchun ham uning qizi shu yerda ishlaydi.

4. Irlandiya politsiyasi uchar likopcha ketidan quvdi. Qanchalik g‘alati bo‘lmasin, politsiyachilar noma’lum uchar jismni to‘xtatib qolishga muvaffaq bo‘ldi.

5. Ekvatorial Gvineya bilan o‘ynay olmagan O‘zbekiston milliy terma jamoasi Burkina-Faso bilan o‘ynaydigan bo‘ldi. 1-sentabr kuni Suriyaga qarshi JCh—2018 saralashi doirasida maydonga tushadigan O‘zbekiston zudlik bilan raqib topdi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.