3 млрд томошабин, 3,5 соатда Тошкентдан Бухорога, учар ликопчанинг кетидан қувган полиция ва куннинг бошқа муҳим янгиликлари

5 августнинг эътиборга молик янгиликлари — «Дарё»нинг кечки дайжестида.

1. Рио–2016 Олимпиада ўйинларининг очилиш маросимини 3 млрд киши кўради. Очилиш маросими «Маракана» стадионида 5 август (Тошкент вақти билан 6 августга ўтар кечаси соат 04:00)да бўлиб ўтади.

2. Тошкент–Бухоро поезди 3,5 соат йўл юради. Лойиҳа доирасида 140,2 километрлик янги Мароқанд–Навоий участкаси қурилди.

3. Барак Обаманинг кенжа қизи балиқ ресторанида ишлайди. Тасдиқланмаган маълумотларга кўра, Барак Обама «Ненси» ресторани хўжайини билан яқин алоқада бўлгани учун ҳам унинг қизи шу ерда ишлайди.

4. Ирландия полицияси учар ликопча кетидан қувди. Қанчалик ғалати бўлмасин, полициячилар номаълум учар жисмни тўхтатиб қолишга муваффақ бўлди.

5. Экваториал Гвинея билан ўйнай олмаган Ўзбекистон миллий терма жамоаси Буркина-Фасо билан ўйнайдиган бўлди. 1 сентябрь куни Сурияга қарши ЖЧ—2018 саралаши доирасида майдонга тушадиган Ўзбекистон зудлик билан рақиб топди.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.