AQSh terma jamoasining sport formasida Rossiya bayrog‘ini ko‘rishdi

AQSh sportchilari Rio-de-Janeyrodagi Olimpiada o‘yinlarining ochilish marosimida ishtirok etuvchi sport formasining taqdimoti bo‘lib o‘tdi, deb xabar bermoqda “TASS”.

Ba’zi jurnalistlar va muxlislar sportchilarning formasida Rossiya bayrog‘idagi uchta rang ketma-ketligini payqadi.

Birinchilardan bo‘lib bu o‘xshashlikka Yahoo Sports’ning sport sharhlovchisi Kevin Kaduk e’tibor qaratdi. Uning ta’kidlashicha, sportchilar pidjaklari tugmasini yechib qo‘yganda, pidjak ostidagi futbolka dizayni Rossiya bayrog‘idagi ranglar ketma-ketligini eslatadi.

“Tushunarsiz, nega dizaynerlar sportchilar kiyimidagi ranglarni aynan Rossiya milliy ramzidagi ranglar ketma-ketligida joylashtirgan?” — deb yozadi u.