Termiz shahrida 26-iyul, seshanba kuni havo harorati qariyb +46 (+45,8) darajaga ko‘tarildi. Bu haqda “O‘zgidromet” markazi axborot bermoqda.
Markaz ma’lumotlariga ko‘ra, bu Termizdagi ob-havo kuzatuvlari tarixidagi eng issiq 26-iyuldir. Bundan avvalgi eng issiq 26-iyul 1997-yilda kuzatilgan bo‘lib, o‘shanda havo harorati +43,0 darajagacha ko‘tarilgan.
Shu kuni O‘zbekistonning boshqa shaharlarida ham havo haroratining yuqoriligi bo‘yicha yangi rekordlar qayd etildi. Xususan, Toshkent shahrida havo harorati +41,6 darajagacha ko‘tarilib, 1913-yilgi rekordni, Samarqandda esa +39,5 darajaga ko‘tarilib, 2013-yilgi rekordni yangiladi.
Ma’lumot uchun, “O‘zgidromet” markazi 26-iyul kuni Toshkent shahrida va Samarqand viloyatida havo harorati +42 darajagacha, Surxondaryo viloyatida esa +44 darajagacha ko‘tarilishi mumkinligi haqida axborot bergan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)