Osiyo Chempionatida O‘zbekiston termasidan yengilib, finaldan quruq qolgan Tailandning kuchiga yuqori baho berish mumkin. Toshkentdagi o‘sha uchrashuvda 2:2 hisobi qayd etilgandi. Vaholanki Tailandda mundial tajribasi bor, O‘zbekistonda esa yo‘q.
Mundial sari yo‘l
Bir emas to‘rt bor futzal bo‘yicha Jahon Chempionatida ishtirok etgan Tailand terma jamoasi bu borada ko‘pchilikning olqishiga sazovor bo‘ldi. Keyinroq tailandliklar mundialni o‘zlarida qabul qilishni istab qolishdi va 2012-yil bunga muvaffaq bo‘lishdi. So‘nggi Jahon Chempionati Osiyoda futzali jadal rivojlanayotgan Tailandga ishonib topshirildi.Tailand terma jamoasi Kolumbiya—2016 da o‘zini ko‘rsatishga chin dildan ishonayotgan Osiyo vakili hisoblanadi. Mundial yo‘lida tailandliklar Toshkent mezbonlik qilgan Osiyo Chemionatiga tashrif buyurib, o‘z guruhlarida Vyetnam, Xitoy Taypeyi, Tojikiston kabi termalarni mag‘lub etishdi. Avstraliyaning 6:1 hisobida taslim etilishi esa ularga Kolumbiya chiptasini taqdim etdi. Bu hisob bo‘yicha beshinchi mundialdir.
Osiyo Chempionatining finalida o‘ynash uchun Tailand mezbon O‘zbekiston termasi bilan to‘qnash kelib qoldi. O‘yinning asosiy vaqti 2:2 hisobida yakunlandi, penaltilar seriyasida esa o‘zbekistonliklarning qo‘li baland keldi. 3-o‘rin uchun bo‘lgan bellashuvda Tailand Vyetnamga hech qanday imkoniyat qoldirmadi — 8:0.
Jamoa haqida
Tailand futzali to‘rt yil muqaddam katta ishni amalga oshirdi. Terma jamoa bosh murabbiyi etib gollandiyalik Viktor Hermans tayinlandi. U 2012-yilgi Jahon Chempionatiga futzalchilarni tayyorlagan va hozir ham Tailand futzal terma jamoasining boshqaruvchisi hisoblanadi. 2012-yilgi mundialda o‘zini ko‘rsatgan futzalchilar qatoriga hozir qator yangi futbolchilar kelib qo‘shildi. Bu borada gollandiyalik murabbiy eskilar va yangilar o‘rtasida ajoyib mutonosiblik yarata oldi.Jamoaning asosiy figurasi sifatida 26 yoshli Suphavut Tuenklangni ko‘rsatish mumkin. U Osiyo Chempionatida 14 ta gol urib, hammaning birdek olqishiga sazovor bo‘lgan va to‘purar uchun atalgan sovrinni o‘ziniki qilib olgandi.
Minimumdan maksimumga
Jahon Chempionatlaridagi debyutini 2000-yilda boshlagan Tailand terma jamoasi o‘sha vaqtlardanoq Osiyoning eng yaxshi jamoalaridan biriga aylanish uchun bel bog‘lagandi. Bu holat Tailand terma jamoasiga keyingi mundiallarda ham muntazam ishtirok etish imkonini berdi. Natijalar esa yildan-yilga yaxshilanib bordi.
Masalan 2000-yilgi Jahon Chempionatini Tailand guruh bosqichidayoq yakunladi. 2004 va 2008-yilga kelib esa 1/8 finalga qadar yetib bordi. O‘zi mezbonlik qilgan 2012-yilgi mundialda Tailand bo‘lajak finalchi Ispaniyadangina mag‘lub bo‘lgandi.
Izoh (0)