“Daryo” internet-nashri Ucell savdo belgisi bilan hamkorlikda e’lon qilgan va Fransiya yashil maydonlarida o‘tgan futbol bo‘yicha Yevro—2016 bahslari davomida 10 mingga yaqin futbol muxlisini qamrab olgan “Yevro—2016” sovrinli aksiyasi yakunlari haqida xabar berilgan edi.
Yevropadagi futbol bayrami Portugaliyaning g‘olibligi bilan yakuniga yetgan bo‘lsa, “Daryo” va Ucell’ning aksiyasida 998901xxx271 telefon raqami egasi 60 ball to‘plab, 1-o‘rinni egalladi va bosh sovrin — Huawei P7 smartfonini qo‘lga kiritadigan bo‘ldi. 998905xxx975 telefon raqami egasi esa Yevro—2016 dagi Fransiyaning natijasini takrorlab, 57 ball bilan 2-o‘rinni egallagan ishtirokchi sifatida Android One General Mobile smartfoni bilan taqdirlanadi.
“Yevro—2016” aksiyasida faqat bir masala — 3-o‘rin sohibi nomi ochiq qolgan edi. Gap shundaki, aksiya yakunlariga ko‘ra, 998911xxx142 va 998979xxx525 telefon raqami sohiblari bir xil — 55 balldan to‘pladi. Bunday holatda, aksiya qoidalariga ko‘ra, g‘olib qur’a tashlash yo‘li bilan aniqlanishi lozim edi.
Shunday bo‘ldi ham — sovrinli aksiyada 3-o‘rinni egallagan sovrindorni aniqlash maqsadida “Daryo” internet-nashri tahririyatida www.random.org tasodifiy tanlov generatori yordamida qur’a tashlandi. Unga ko‘ra, 998979xxx525 telefon raqami sohibi aksiyaning uchinchi sovrindori sifatida Huawei Y360 smartfoni egasiga aylanadi.
Savol tug‘ilishi mumkin: qur’a qanday o‘tkazildi? Ma’lumki, “Yevro—2016” sovrinli aksiyasi o‘tkazilgan @daryobot’ga /reyting buyrug‘ini kiritish orqali foydalanuvchi to‘plagan ballari soni bo‘yicha kuchli o‘nlikka kirgan ishtirokchilar ro‘yxati va tanlovda o‘zi egallagan o‘rin bilan tanishishi mumkin. Unda 998911xxx142 raqami egasi 3-tartib raqami ostida, 998979xxx525 raqami esa 4-tartib raqami ostida ko‘rinayotgan edi.
Shundan kelib chiqib, g‘olibni aniqlab berishi maqsadida www.random.org tasodifiy tanlov generatoriga 3 va 4 raqamlari kiritildi. Generator esa 4 raqamini tanladi.
Jarayon qanday bo‘lganini quyidagi video orqali tomosha qilishingiz mumkin:
Qayd etish joiz, “Daryo” internet-nashri va Ucell savdo belgisi tanlovda qur’a natijasiga ko‘ra 4-o‘rinni egallagan ishtirokchini ham rag‘batlantirishga qaror qildi —998911xxx142 telefon raqami sohibiga ZTE MF190 3G-modemi rag‘batlantiruvchi sovrin sifatida topshiriladi.
“Yevro—2016” sovrinli aksiyasi sovrindorlari ro‘yxati quyidagicha ko‘rinish oldi:
- 1-o‘rin. 998901xxx271 — Huawei P7 smartfoni
- 2-o‘rin. 998905xxx975 — Android One General Mobile smartfoni
- 3-o‘rin. 998979xxx525 — Huawei Y360 smartfoni
- 4-o‘rin (rag‘batlantiruvchi). 998911xxx142 — ZTE MF190 3G-modemi
Ma’lumot uchun, “Yevro—2016” qo‘shma aksiyasi shartlari va qoidalariga muvofiq, sovrinlar aksiya yakunlari e’lon qilinganidan keyingi 30 kun davomida taqdim etiladi, g‘oliblarga sovrinlarni topshirish joyi va vaqti haqida qo‘shimcha axborot beriladi.
Izoh (0)