Sport mansabdorlari yo‘l qo‘ygan kamchiliklar “toza sportchilar”ga salbiy ta’sir ko‘rsatmasligi kerak. Bu haqda xalqaro qilichbozlik federatsiyasi prezidenti Alisher Usmonov xalqaro olimpiya qo‘mitasi (XOQ) rahbari Tomas Baxga yo‘llagan maktubida ma’lum qilingan, deya xabar beradi “TASS”.
“Hayotini Olimpiada o‘yinlarida ishtirok etishga bag‘ishlagan ‘toza sportchilar’ hatto sport mansabdorlari aybi isbotlangan taqdirda ham diskvalifikatsiya qilinmasligi kerakligiga ishonchim komil. Aynan ushbu holatda mansabdorlar kamchilikka yo‘l qo‘ygani alomatlari mavjud, biroq hech kim aybdor deb topilmadi. Nega unda aybsiz sportchilar jazoga tortilishi kerak? Siz Olimpiada o‘yinlarida ishtirok etish uchun o‘zingiz kurashgansiz, agar XOQ hamda dunyo yetakchilari ‘olimpiyachilarni eshita olganda’ boykotga yo‘l qo‘ymaslikning iloji topilgan bo‘lishi mumkinligi haqida gapirgansiz”, — deya ta’kidladi Usmonov.
Usmonov o‘z maktubida xalqaro qilichbozlik federatsiyasi barcha aksildoping qoidalariga qat’iy rioya etib kelayotganligini bildirdi.
Eslatib o‘tamiz, Richard Maklarenning mustaqil komissiyasi hisoboti yakunlari bo‘yicha e’lon qilingan Butunjahon aksildoping agentligi (WADA) rossiyalik sportchilarning Olimpiada o‘yinlariga qo‘yilishi individual tartibda ko‘rib chiqilishi, biroq, hatto bu masala ijobiy hal etilgan taqdirda ham sportchi faqat neytral bayroq ostida qatnashishi mumkinligini bildirgandi.
Izoh (0)