Ispaniyada Zika virusi bilan bog‘liq mikrotsefaliyaga chalingan ilk chaqaloq tug‘ildi. Bu haqda 25-iyul, dushanba kuni El Pais ma’lum qildi, deya xabar beradi “TASS”.

Gazeta ma’lumotlariga ko‘ra, go‘dakning onasida Lotin Amerikasi bo‘ylab sayohatdan so‘ng virus aniqlangan.

Ispaniya sog‘liqni saqlash vazirligi ma’lumotlariga ko‘ra, iyul o‘rtalariga kelib mamlakatda Zika virusiga chalinish bilan bog‘liq 180 dan ortiq holat qayd etilgan bo‘lib, ulardan 24 tasi homilador ayollarda kuzatilgan. Barcha holatlarda ham kasallik Ispaniyaga xorij safarlaridan qaytgan kishilarda uchragani bildirilmoqda.