Bratislava markazida joylashgan Slovakiya prezidenti saroyi qo‘riqchilari kuchaytirilgan tartibda qo‘riqlanadigan hududga kirishga muvaffaq bo‘lgan erkakni qo‘lga olishga muvaffaq bo‘ldi. Bu haqda 25-iyul, dushanba kuni davlat rahbarining matbuot kotibi Roman Krpelan ma’lum qildi, deya xabar beradi “TASS”.
“Erkak saroy devori orqali hovliga o‘tgan payt soqchilar tomonidan qo‘lga olindi. U Serbiya fuqarosi bo‘lib chiqdi. Erkak soqchilarga uni go‘yo ta’qib etishlaridan qochgani va saroy hududida yashirinishga majbur bo‘lganini bildirgan. Hodisa 24-iyul, yakshanba kuni ro‘y berdi”, — deya ta’kidladi Krpelan.
Ekspertlar qo‘lga olingan shaxsning izohlarini shubha ostiga oldi va uning harakatlarini bezorilik sifatida baholamoqda. Erkak saroy hududiga tushki payt, atrofda ko‘plab o‘tkinchilar va sayyohlar bo‘lgan, politsiyaning kuchaytirilgan patrullari binoni kuzatayotgan payt kirgan.
Bu oxirgi paytda Slovakiya prezidenti saroyida xavfsizlik tizimi pand berishi bilan bog‘liq ikkinchi holat. Iyun oxirida tungi payt uning hududiga 35 yoshi Chexiya fuqarosi kirib, ichki binolarini aylanib, hech qanday muammosiz tark etgandi. Shundan so‘ng mamlakat rahbarlarini qo‘riqlash boshqarmasi direktori Radovan Xorvat iste’fo berdi.
Izoh (0)