Fransiya shimolidagi Normandiya shahrining Sent-Etyen-dyu-Ruvre cherkovida odamlarni garovga olib, ruhoniy va rohibalarga pichoq bilan tahdid qilgan ikki kishi politsiyachilar tomonidan otib o‘ldirildi. Bu haqda France Info agentligiga tayanib, TJournal xabar bermoqda.
Ma’lumotlarga ko‘ra, ikki nafar erkak cherkov ruhoniysi, ikki rohiba va ruhoniyning ikki shogirdini garovda ushlab turgan. Qutqaruv operatsiyasi mahalliy vaqt bilan soat 11:00 da yakuniga yetdi.
Le Figaro gazetasining yozishicha, ruhoniy halok bo‘ldi. Garovda bo‘lganlardan biri yaralangan va og‘ir ahvolda bo‘lib turibdi.
Voqea yuz bergan hudud qurshab olingan. Fransiya prezidenti Fransua Olland hodisa joyiga kelishi kutilmoqda.
Izoh (0)