Брюсселда 22 март куни рўй берган терактлардан кўрилган зарар мамлакат иқтисодиёт вазирлиги томонидан бир миллиард еврога яқин баҳоланмоқда. Бу ҳақда маҳаллий ОАВлар 26 июль, сешанба куни тарқатган хабарларга таяниб, «Корреспондент.net» маълум қилди.
«Гап Парижда 2015 йил ноябрида содир этилган терактлардан бери биринчи иқтисодий асоратлар таҳлили ҳақида кетмоқда. Шунга ўхшаш объектив тадқиқотлар бўлиши жуда муҳим. Ҳукумат корхоналарга кўмак бериш учун барча чораларни кўрди», — дея таъкидлади бош вазир ўринбосари ва иқтисод вазири Крис Петерс.
Вазирлик маълумотларига кўра, терактлар оқибатида давлат солиқ тушумлари 760 миллион еврога пасайди. Жорий йил биринчи чораги якуни бўйича умумий йўқотиш ялпи ички маҳсулотнинг 0,1 фоизини ташкил этмоқда.
Изоҳ (0)