IShID jangarilari 23-iyul, shanba kuni kechki payt Xama viloyatida Suriya harbiy-havo kuchlarining qiruvchi samolyotini urib tushirdi. Bu haqda, Al Jazeera telekanaliga tayanib, “TASS” xabar bermoqda.
Samolyot viloyat markazidan sharqda, Salmiya shahri hududida qulagan. Uchuvchining taqdiri haqida ma’lum qilinmagan. Telekanalga ko‘ra, qiruvchi yerdagi zenit vositalari yordamida urib tushirilgan.
Salmiyada hukumat kuchlarining mudofaa chizig‘i joylashgan. IShID jangarilari ismoiliylar istiqomat qiladigan mazkur shaharga yaqinlashishga ko‘p bor harakat qilgan, biroq Suriya armiyasi va ko‘ngillilar ushbu hujumlarni qaytarishga muvaffaq bo‘lgandi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)