Turkiya bosh vaziri Binoli Yildirim prezident gvardiyasi tarqatib yuborilishini ma’lum qildi. Bu haqda, mahalliy NTV telekanaliga tayanib, “TASS” xabar bermoqda.
“Prezident gvardiyasi bo‘lmaydi, bunga endi hojat yo‘q”, — ta’kidladi siyosatchi.
Bosh vazirga ko‘ra, to‘ntarishga urinishdan so‘ng qo‘lga olinganlar soni 13 ming kishidan oshdi. Ulardan 1329 nafari politsiyachi, 8831 nafari askar, 2100 nafari sudya, 689 nafari esa prokurordir. Ayni paytda davlat apparatini tozalash jarayoni doirasida turli tuzilmalardagi 45 mingga yaqin davlat xizmatchisi ishdan chetlatildi.
Binoli Yildirim mamlakatda e’lon qilingan favqulodda tartib belgilangan 3 oydan cho‘zilishi rejalashtirilmayotgani, biroq zarurat tug‘ilgan taqdirda bu masala ko‘rib chiqilishini bildirdi.
Izoh (0)