Iroq xavfsizlik kuchlari IShID rahbari Abu Bakr al-Bag‘dodiyning yordamchilaridan birini yo‘q qildi. Bu haqda mamlakat mudofaa vazirligi tomonidan tarqatilgan bayonotda ma’lum qilindi, deb xabar beradi “TASS”.
“‘Yo‘lbars’ tezkor shtabi boshqaruvidagi 20-motoo‘qchi brigada birinchi batalyoni jangchilari Diyala viloyati shimolidagi Abu Sayda tumanida, al-Muxisa manzilida Abu Bakr al-Bag‘dodiyning yordamchisi bo‘lgan Hoshim Nasif Jasim al-Hiloliy va unga hamrohlik qilgan bir qator jangarilarni o‘ldirdi. U Mosulni qo‘lga olishda ishtiroq etgan dala qo‘mondonlaridan biri edi, keyinchalik Diyalaga yuborilgan va bu yerda terrorchilar faoliyatiga rahbarlik qilgan”, — deyiladi vazirlik bayonotida.
Iroq OAV ta’kidlashicha, al-Muxisada jangarilarni tayyorlaydigan bir necha kichik lagerlar bo‘lgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)