Toshkent shahridagi Kichik halqa yo‘lida 22-iyul, juma kuni Hyundai Equus va Lacetti avtomobillari ishtirokida yo‘l-transport hodisasi yuz berdi. Bu haqda, Facebook’dagi “Voditeli Tashkenta” guruhiga asoslanib, “Qalampir.uz” xabar bermoqda.
“Qalampir.uz”ning yozishicha, YTH natijasida Hyundai ham old tarafidan, ham chap tarafidan qattiq shikastlangan, Lacetti esa tanib bo‘lmas holatga kelib qolgan.
“Old qismi bilan Hyundai Equus’ga kelib urilishi natijasida Lacetti dvigatelining ayrim detallari yo‘l bo‘ylab sochilib ketgan. Hyundai Equus esa bitta g‘ildiraksiz qolgan”, — deb yozadi internet-nashr.
Hodisa oqibatida tan jarohati olib, jabrlanganlar haqida aniq axborot yo‘q.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)