Facebook’dagi “Voditeli Tashkenta (Drivers.uz)” guruhida uzun plastik quvurlarni tashib ketayotgan GAZ-24 “Volga” avtomobillarining surati paydo bo‘ldi. Surat aynan qachon, qayerda olinganiga aniqlik kiritilmagan.
E’tiborli tomoni, quvurlarning uzunligidan ikki “Volga” o‘ziga xos avtopoyezdga aylangan — quvurlarning bir uchi birinchi “Volga”ning tomida bo‘lsa, ikkinchi uchi keyingi mashinaga mahkamlangan.
Fotoxabar ostida fikr bildirgan foydalanuvchilarning aksariyati o‘z hayratini yashira olmagan. Ba’zilar suratni PhotoShop’da ishlangan deb, uning haqiqiyligini shubha ostiga olgan.
Fotoxabarga javoban, boshqa bir foydalanuvchilardan Namanganga olib boruvchi yo‘lda olingan, ustiga bir nechta yog‘och karavot ortilgan GAZ-31 “Volga” avtomobilining suratini e’lon qilgan.
Guruh a’zolaridan biri: “Bu qadar uddaburonligi uchun ularga Nobel mukofotini berish kerak”, — deb, hazil aralash fikr bildirgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)