Тошкентдаги Grand Mir меҳмонхонаси олдида юз берган ЙТҲдан сўнг Lacetti олов ичида қолди

Тошкентнинг Шота Руставели ва Миробод кўчалари чорраҳасидаги айланма ҳаракатда 17 июлга ўтар кечаси Nexia ва Lacetti автомобильлари иштирокидаги йўл-транспорт ҳодисаси юз берди. Бу ҳақда Facebook’даги «Водители Ташкента» ва «Водители Ташкента (Drivers.uz)» гуруҳларида хабарлар қолдирилган.

«Grand Mir меҳмонхонаси олдида аянчли авария юз берди», — деб ёзади фойдаланувчиларнинг бири. Ҳодиса гувоҳига айланган бошқа фойдаланувчилар ҳам ЙТҲни «жуда даҳшатли» деб таърифлаган.

«Мен шу меҳмонхона олдида тураман, деразам чорраҳага қараган. Мен бу чорраҳада юз берган кўплаб аварияларни кўрганман, бироқ бу тундаги каби ЙТҲнинг гувоҳига ҳеч қачон айланмаган. Тўқнашув натижасида автомобильлардан бири ёниб кетди», — деб ёзади фойдаланувчилардан бири.

Фойдаланувчиларнинг аниқлик киритишича, тўқнашув натижасида Lacetti’да алангаланиш юз бериб, автомобиль олов ичида қолган.

Ҳодиса оқибатида тан жароҳати олганлар тўғрисидаги аниқ маълумот йўқ.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.