Google Play’da dovrug‘i chiqqan o‘yin— Pokemon Go nomi ostida tarqalayotgan xavfli dasturlar aniqlandi, deb yozadi “Hi-tech.mail.ru”. Ushbu dasturlar smartfonni bloklab qo‘yishi mumkin.
ESET tadqiqotchilari Android uchun dasturlar do‘konidan ommabop Pokemon Go o‘yini nomidan foydalanuvchi uchta zararli dasturni topdi. Viruslardan biri Pokemon Go Ultimate nomi ostida joylangan. Ishga tushirilgandan keyin darhol dastur qurilma ekranini bloklaydi va fonda “kattalar uchun” resurslarga trafik hisoblanadi. Bu zararkunanda dastur yaratuvchilariga daromad keltiradi.
50 mingdan ziyod foydalanuvchi ushbu zararli dasturni yuklab olishga ulgurdi.
Qurilmaga kirishni tiklash uchun smartfonni qaytadan o‘chirib-yoqish — batareyasini chiqarib olish yoki “Android’ni masofadan turib boshqarish” dasturidan foydalanish kerak. Shundan so‘ng dasturni sozlamalar orqali o‘chirib tashlash kerak.
Shuningdek, Google Play’da Guide & Cheats for Pokemon Go va Install Pokemongo nomlari ostida yashiringan boshqa viruslarni ham topishdi. Ular bevosita zarar keltirmaydi, ammo foydalanuvchini aldov yo‘li bilan keraksiz pulli xizmatlarga ulab qo‘yishi mumkin. U holda mobil hisobdan mablag‘ sarflanishi mumkin.
Izoh (0)